Dag 9/10/11/12

Ons vat die pad Malawi toe. By Chipata koop ons vooraad by ‘n baie mooi Spar wat behoort aan Suid Afrikaners. Die vrou ‘Mama Roela’ gee vir ons die goeie raad om ‘n Comesa Yellow Card te koop. Dis jou derde party versekering in al die Afrika lande wat ons nog moet besoek. Ons kom later agter watter groot hulp dit is. Met ‘n Carnage en die Comesa versekering is grensposte baaaaie makliker! Die Comesa het omtrent R 350.00 gekos. Bargain! Ons ruil geld en word lekker ingeloop. Ai so leer mens. Ons is al so deurmekaar met die verskillende geldeenhede !

Van Chipata ry ons op ‘n redelike teerpad Lilongwe toe. Ons is redelik vining deur die grens na Melawi. Die spoedbeperking in Melawi is 80 km/h en 50km/h vir die trok. En hou op kla in RSA. Hier kos petrol  R25 p/l! Melawi is die land van fietse! Hier huur jy ‘n ou op ‘n fiets om jou dorp toe te vat! Dit is duidelik hoekom hulle reken die standaard van skoolopleiding  in party van die Afrika lande beter is as in RSA. Elke gemeenskap het sy eie skool en kerk. Die skole is netjiese goed opgepaste geboue en die kinders is tevrede met ‘n boek en ‘n pen. Die Malawiers se maniere en taalgebruik is onberispelik! In Lilongwe kry ons uiteindelik die internet aan die werk!

Ons ry na Senga langs Melawi meer en kamp by Steps Camping by die Livistonia Hotel. Baie mooi! Die volgende oggend ry ons rustig na Chintheche en stop in ‘n paar dorpies om te kyk na hulle vleis en vis. Ons koop die lekkerste vetkoek langs die pad. Ons besluit om af te draai meer toe om te kyk hoe hulle vissies droog. Daar aangekom besluit ons om 2 van ons living balls uit te deel. Toe breek alle hel los! Al die kinders begin uit die bosse op ons neerdaal en gil. Ons gee die balle en groet………. Die trok sit vas in die sand! Roelof katrol eers vir hom ‘n Toyota in ( Sal die video eendag wys HaHa!) Nadat die Toyota homself ook eers uit die sand moet ry trek hy die Vlieende Hollander uit ! Ons ry tot by Chintheche Inn. Die Watsons book hulle in die Hotelletjie in en die res kamp reg langs die water. Dit lyk soos Mauritius! Die water is helder en warm met wit strande!